Këngëtari i njohur dhe shumë i dashur shqiptar, Capital T ka publikuar projektin më të ri muzikor.

Kënga titullohet “Sytë e tu” dhe është publikuar e shoqëruar me videoklip, transmeton Sinjali.

Tekstin e këngës e ka shkruar vetë artisti, ndërsa për muzikën është përkujdesur Rzon.

“Sytë e tu” është publikuar në kanalin zyrtar të Capitali T në Youtube dhe mbetet të shihet se a do të pëlqehet nga publiku.

Kujtojmë që “Fustani” në bashkëpunim me Elvana Gjatën është projekti i fundit muzikor i artistit. Kënga është publikuar më 29 qershor dhe deri më tani numëron mbi 15 milionë klikime në platformën Youtube./Sinjali/