Rastet e dhunës në familje sa vijnë e shtohen përditë e më shumë. Vazhdimisht gra nga qytete të ndryshme të Kosovës raportojnë në Polici dhunën psikike e fizike që përjetojnë nga bashkëshortët e tyre, por edhe nga anëtarët tjerë të familjes, raporton Gazeta Sinjali.
Një rast i tillë ka ndodhur mbrëmë pas mesnate në Prishtinë, ku një burrë dyshohet se ka sulmuar fizikisht bashkëshorten e tij.
Sinjali mëson se rastin në Polici e ka denoncuar gruaja e cila ka deklaruar se është rrahur nga bashkëshorti i saj, i cili e ka kapur për fyti.
Me të marrë informatën, njësitë policore kanë dale në vendin e ngjarjes ku kanë arrestuar të dyshuarin, i cili më pas është shoqëruar në stacion policor për intervistim.
Pas përfundimit të procedurave policore, Prokurori i Shtetit ka nxjerrë aktvendim që të dyshuarit t’i caktohet masa e ndalimit në kohëzgjatje prej 48 orësh dhe ndaj të njëjtit të nisin hetimet për veprën penale ‘Dhunë në familje’.
