Një burrë në Kaliforni ka humbur një pjesë të kafkës së tij për shkak të konsumimit të tepërt të pijeve energjike.
Në një postim të shpërndarë në faqen e Facebook për Endres Photography , që ndodhet në Sacramento, Kaliforni, një grua që zgjedh të njihet vetëm si Brianna shpjegoi sesi konsumimi i tepërt i pijeve energjike çoi në hemorragji thuajse fatale të trurit të burrit të saj.
Brianna shkroi se burri i saj, Austin, filloi të konsumonte pije energjike “kur filloi të punonte më shumë dhe të udhëtonte”. Dhe, përfundimisht, kjo rezultoi kërcënuese për jetën.
“Më kujtohet ende vjehrra ime që më zgjoi atë mëngjes”, shkroi Brianna. “Austin pati një aksident”, tha ajo. E vetmja gjë që dija ishte se burri im ishte në spital.
Ajo mësoi shpejt se Austin kishte pasur një hemorragji në tru dhe se ai ishte në koma. Pas kryerjes së një ekzaminimi toksikologjik dhe përjashtimit të barnave, mjekët sugjeruan, shkruan Brianna, se konsumimi i tepërt i pijeve energjike ishte burimi i problemeve.
