Mbretëria e Bashkuar ka prezantuar sanksione të reja kundër Rusisë, duke përfshirë një ndalesë për anijet ruse për të hyrë në portet britanike.
“Ndalimi i anijeve ruse në portet e Mbretërisë së Bashkuar dhe sanksionet e reja ekonomike kundër institucioneve kryesore financiare ruse, përfshirë bankën e saj qendrore, në koordinim të ngushtë me aleatët tanë, do të degradojnë ekonominë e Rusisë dhe do të ndihmojnë që Putini të humbasë”, tha Sekretarja e Jashtme britanike Liz Truss, shkruan CNN, transmeton Gazeta Sinjali.
Masat ekonomike shtesë, “përfshirë kundër Bankës Qendrore Ruse dhe fondit të pasurisë sovrane të shtetit, nënkuptojnë gjithashtu se shumica e sistemit financiar të Rusisë mbulohet tani nga sanksionet e Mbretërisë së Bashkuar”, thuhet në deklaratë.
“Unë po udhëzoj të gjitha portet e Mbretërisë së Bashkuar që të largojnë çdo anije që është me flamur, e regjistruar, në pronësi ose operuar nga Rusia,” tha në deklaratë Sekretari britanik i Transportit Grant Shapps.
“Duke ndaluar anijet ruse nga portet tona, ne po izolojmë më tej Rusinë dhe po dërrmojmë aftësitë e saj ekonomike”, shtoi Shapps.
