Që nga mëngjesi, reshje të dendura shiu bashkë me erëra kanë përfshirë Kosovën, e veçanërisht disa rajone.

Përveç shiut, në Istog dhe disa vende tjera ka pasur edhe breshër. Meteorologët kanë parashikuar se situatë e njëjtë pritet të vazhdojë përgjatë gjithë ditës edhe në rajone tjera të Kosovës, shkruan Gazeta sInjali.

Fotografi nga fshatrat më të goditura nga breshëri dhe shiu tregojnë dëmet e mëdha të shkaktuara në kultura të ndryshme bujqësore.

Në fshatërat Kovrage, Trubuhofc, Gurrakoc, Tomoc, Llukafc i Thatë dhe Dubravë ka pasur më së shumti dëme.

Kryetari i Istogut, Haki Rugova është zotuar që komuna do t’u dalë në ndihmë fermerëve të goditur me aq sa ka mundësi buxhetore. /Gazeta Sinjali