Shefi i politikës së jashtme të BE-së, Josep Borrell, ka thënë se “miqësia” midis Kinës dhe Rusisë ka kufij dhe se Evropa duhet të mirëpresë çdo përpjekje të Pekinit për t’u distancuar nga lufta e Moskës në Ukrainë.
Borrell po fliste me gazetarët, disa ditë pas një samiti midis presidentit kinez Xi Jinping dhe Vladimr Putin në Moskë.
Ndërsa Kina kishte krijuar lidhje të ngushta ekonomike dhe diplomatike me Rusinë, ajo nuk kishte krijuar një aleancë ushtarake me Moskën dhe nuk kishte furnizuar me armë për ta ndihmuar atë në luftën e saj në Ukrainë, tha Borrell. Ai tha:
“Kjo miqësi e pakufizuar duket se ka disa kufij.”
Ai tha se Kina “nuk ka kaluar asnjë vijë të kuqe për ne”, duke shtuar se propozimet e Pekinit për t’i dhënë fund luftës treguan se ajo nuk dëshironte të rreshtohej plotësisht me Rusinë. Kina dëshironte të luante rolin e një “lehtësuesi”, në vend të një ndërmjetësi, tha ai.
BE-ja duhet ta mirëpresë këtë, tha Borrell, edhe nëse zyrtarët perëndimorë e kanë bërë të qartë se nuk e konsiderojnë iniciativën e Pekinit si një plan paqeje të plotë.
Ndërsa Rusia ka mirëpritur propozimet e Kinës, “Kina shfaqet në një rol që unë mendoj se ne duhet ta shtyjmë,” tha ai.
