Numri i të infektuarve me COVID-19 në Kosovë po shënon rritje çdo ditë.
Vetëm sot në vendin tonë janë konfirmuar 418 raste të reja, shkruan Gazeta Sinjali.
Kështu numri total i rasteve pozitive ka arritur në 19.328, nga 92.706 persona të dyshimtë në virusin SARS-CoV-2.
Instituti Kombëtar i Shëndetësisë Publike sot njoftoi edhe për 67 pacientë të shëruar, derisa numri i përgjithshëm i të shëruarve deri më sot është gjithsej 15.434, kurse numri i rasteve aktive është 3.126.
Sot në vendin tonë janë regjistruar edhe katër raste të vdekjes nga koronavirusi, duke e çuar kështu në 678 numrin e viktimave.
Komuna më e prekur nga ky virus është Prishtina, me gjithsej 6422 raste, 84 prej tyre kanë humbur betejën me koronavirusin.
Më poshtë gjeni tabelën me të dhënat për numrin e rasteve pozitive, viktimave dhe rasteve aktive për secilën komunë të Kosovës./Gazeta Sinjali/
