Presidenti amerikan, Joe Biden, ka thënë se ishte “jo racionale” që Kina të negocionte rezultatin e luftës në Ukrainë, kur u pyet për planin e paqes të Pekinit për konfliktin.
“Putini po e duartrokit, pra si mund të jetë mirë?” Biden tha të premten.
“Ideja që Kina do të negociojë rezultatin e një lufte që është një luftë krejtësisht e padrejtë për Ukrainën, nuk është thjesht racionale.”
Kina bëri thirrje për një armëpushim dhe bisedime paqeje midis Ukrainës dhe Rusisë të premten, duke ofruar një propozim prej 12 pikash për t’i dhënë fund luftimeve.
Plani i Kinës u kërkon të dyja palëve të bien dakord për një de-përshkallëzimin gradual dhe paralajmëron kundër përdorimit të armëve bërthamore.
Volodymyr Zelenskiy ka përshëndetur me kujdes planin e paqes të Kinës për t’i dhënë fund pushtimit rus të Ukrainës, por tha se do të ishte i pranueshëm vetëm nëse do të çonte në tërheqjen e trupave të Vladimir Putin nga i gjithë territori ukrainas i okupuar.
Presidenti ukrainas tha se “dëshironte të besonte” se Pekini ishte i interesuar për një “paqe të drejtë”. Kjo do të thoshte të mos “furnizohej Rusia me armë”, tha ai, duke shtuar: “Unë po bëj çmos për të parandaluar që kjo të ndodhë. Ky është prioriteti numër një.”
