Kryeministrja e Serbisë, Ana Bërnabiq, u ka bërë apel faktorëve ndërkombëtar që ta rikthejnë kryeministrin e Kosovës, Albin Kurti, në tryezën e diskutimeve në Bruksel.

Bërnabiq për mediumin Jedinstvo ka thënë se “Kurti është fanatik në ideologji”, derisa ka vlerësuar se gjendja ekonomike në Kosovë përmirësohet vetëm me arritjen e një marrëveshjeje afatgjatë, përcjell lajmi.net.

Megjithatë, Bërnabiqi ka kërkuar formimin e Asociacionit të Komunave me shumicë serbe, si parakusht për vazhdim të dialogut.

“Nuk e shoh fare opsionin që të kthehemi tani, në periudhën para vitit 2013, të anulojmë të gjitha marrëveshjet dhe gjithçka që kemi përmbushur, kur Prishtina nuk ka përmbushur asgjë”, tha Brnabiq. /GazetaSinjali/