Avokati Besnik Berisha po e vlerëson skandaloz vendimin e Qeverisë së Republikës së Kosovës rreth shtesave të rrezikshmërisë për Policinë, me ç’rast thotë se ky propozim është “nënvlerësimi më skandaloz që mund t’i bëhet punës së një hetuesi me rol esencial në drejtësi”.
I njëjti thotë se hetuesit të cilët punuan pa u ndalur për të zbardhur krimet e Serbisë dhe bandave në veri të vendit, u goditën duke u ofenduar për moralin e tyre në këtë luftë kundër krimit.
“Po te ishte gjalle sot heroi Afrim Bunjaku, do te ndihej i turperuar me propozimin e qeverise se tij qe, per punen e njejte qe bente ai dhe koleget e tij, detyre kjo qe e coi ne vrasjen e tij, propozoj vetem 60 euro shtese per rrezikshmeri.
Sot hetuesit qe s’u ndalen nate e dite per te hetuar krimet e Serbise dhe bandave ne veri, qe shteti i quan terroriste e struktura kriminale me mbeshtjetje nga Serbia, moren goditjen me ofenduese per moralin e tyre ne luften kunder krimit.
75 euro ne emer te shteses per rrezikshmeri jane nenvleresimi me skandaloz qe mund t’i behet punes se nje hetuesi me rol esencial ne drejtesi”, tha ndër tjera Berisha.
Gjatë konferencës së mbajtur së bashku me zëvendëskryeministrin, Besnik Bislimi, kryeministri Kurti për këtë çështje deklaroi para mediave se kanë bërë analiza të hollësishme kur kanë marrë vendimin për këto shtesa të rrezikshmërisë për Policinë e Kosovës.
“Shikoni ne kemi bërë analizat e hollësishme. Nuk mund të kemi zgjidhje partikulare. Shtesa më e lartë për rrezikshmëri është 150 euro e më e ulëta 45 euro. Ju e dini që pare boll kurrë nuk ka por buxheti i Kosovës është ky që është. Po ua ritheksojë edhe njëherë afër 700 pjesëtarë të PK-së, që i bjen 10% të tyre kanë Pasur të ardhura mesatare më të lartë se presidentja”, tha ai.
