Ish kryeministri i Shqipërisë, Sali Berisha, ka reaguar pas vendimit të kryeministrit Edi Rama për të anuluar mbledhjen e dy Qeverive shqiptare që ishte paraparë të mbahej të mërkurën në Gjakovë.
Në një shkrim në Twitter, Berisha ka thënë se këtë veprim Rama e ka bërë me urdhër të Vuçiqit.
Tutje ish-kryeminitri e ka quajtur akt antikombëtar.
“Në një akt antikombëtar prej argati të neveritshëm të serbomadhit Vuçiq, i ngërthyer nga skandali McGonigal”, shkroi Berisha.
Rama, tha se i ka kërkuar homologut të tij kosovar, Albin Kurti, që të ndryshohet formati i mbledhjes së dy Qeverive, që është paraparë të mbahet në Gjakovë më 14 qershor, por ai nuk ka pranuar.
Tutje theksoi se ndjen keqardhje që nuk gjeti dakordësi me kryeministrin Kurti për një ndryshim të formatit.
Sipas tij, homologu kosovar kishte kërkuar që mbledhja të bëhet normalisht dhe pastaj veç të diskutonin për situatën e krijuar në veri të Kosovës.
Rama me urdhër të Vuçiç anulon takimin me qeverinë e Kosovës!
— Sali Berisha (@sali_berisha_) June 13, 2023
Në një akt antikombëtar prej argati të neveriteshëm të serbomadhit Vuçiç, i ngërthyer nga skandali McGonigal,
Pas anulimit të mbledhjes së përbashkët mes Qeverisë së Kosovës dhe Shqipërisë, ka reaguar Qeveria e Kosovës, duke thënë se është hera parë që një mbledhje e përbashkët anulohet në mënyrë të njëanshme.
