Në protestën e sotme të PSD-së kundër shtrenjtimit të rrymës ka marrë pjesë edhe gazetari Berat Buzhala, i cili edhe më herët është shprehur se është kundër propozimit të ZRrE-së për rritjen e tarifave të rrymës, raporton Sinjali.
Buzhala sot gjatë protestës, derisa po ecnin në drejtim të Qeverisë bashkë me anëtarët e PSD-së, tha se edhe nëse do të dilnin të gjithë të protestonin, prapë do të ishte pak.
Kjo sipas tij, sepse nga rritja e çmimit të rrymës do të preken të gjithë.
“Edhe nëse ishin dalë të gjithë, është pak, se të gjithë kanë me pagu rrymën, jo veç këta këtu, aktualisht nuk ka kurrgjë drejt, veç shtrenjtë”, tha Buzhala.
