Bashkësia Islame e Kosovës ka njoftuar besimtarët myslimanë se muaji i Ramazanit fillon ditën e martë, më 13 prill 2021, shkruan Gazeta Sinjali.

Përmes njoftimit, kjo bashkësi ka uruar besimtarët me rastin e fillimit të këtij muaji, duke u dëshiruar agjërim të lehtë.

“Me rastin e fillimit të Muajit të Madhëruar të Ramazanit, Kryesia e BI-së, përgëzon besimtarët myslimanë në Kosovë, diasporë e trojet tona, duke u dëshiruar agjërim të lehtë, shtim të ibadetit dhe solidaritet me nevojtarët. Me fat Muaji i Madhëruar i Ramazanit, agjërim të lehtë dhe të pranuar”, thuhet në njoftimin e BIK-ut./Gazeta Sinjali/