Barcelona është duke planifikuar t’ia rinovojë kontratën  mesfushorit, Sergi Roberto.

Spanjollit i është ofruar një rinovim dy vjeçar me një ulje të dukshme të pagës.

Sergi Roberto bashkë me grupin e tij do ta shqyrtojë ofertën, ndërsa raportohet se ishte dëshira e tij të marrë ulje page për t’i ndihmuar klubit.

Gerard Pique zbuloi dje pas ndeshjes se të gjithë kapitenët do t’i ulin pagat e tyre për të ndihmuar klubin, teksa ai personalisht tashmë e ka ulur për të ndihmuar në regjistrimin e tre futbollistëve, Rey Manaj, Memphis Depay dhe Eric Garcia.

“Kam qenë në kontakt me kapitenët tjerë dhe ata do të pranojnë uljen e pagës gjithashtu. Është thjesht çështje kohe. Ne jemi familje dhe kapitenët kanë qenë të hapur ta bëjnë këtë që nga fillimi” – u shpreh Pique. /Gazeta Sinjali Sporti/