Skuadra e Barcelonës e ka fituar me lehtësi ndeshjen ndaj Alavesit (4-1), në kuadër të javës së 18-të në La Liga.

Pjesa e parë e takimit u karakterizua me dominim të katalunasve, të cilët përveç rasteve shënuan edhe dy gola.

Goli i parë i ndeshjes u shënua në minutën e 14-të të ndeshjes me anë të Antoine Griezmann, ndërsa Arturo Vidal në minutën e 45-të shënoi për 2-0.

Alavesi shënoi golin e parë në pjesën e dytë me anë të Pere Pons (56’) që shënoi me kokë për 2-1, por Lionel Messi doli në skenë ku shënoi në minutën e 69-të për 3-1.

Suarez shënoi në minutën e 75-të për 4-1 dhe vulosi rezultatin përfundimtar.

Barcelona renditet në pozitën e parë me 39 pikë, ndërsa Alavesi zë vendin e 15-të me 19 pikë./Gazeta Sinjali/