Barcelona po vazhdon formën e mirë në kampionat, duke fituar ndeshjet një nga një.
Xavi e ka transformuar totalisht skuadrën e Barcës, e cila nën Koeman ishte totalisht e humbur, shkruan Sinjali Sport.
Përveç që i ka ngritur në tabelë, tani në pozitën e dytë, Barcelona tashmë është e pamposhtur qe një kohë të gjatë.
Blaugranasit janë të pamposhtur në 15 ndeshjet e fundit në të gjitha garat, duke arritur 11 fitore e katër barazime në këtë proces.
Katalanasit gjithashtu janë në një ecuri të shtatë fitoreve radhazi në La Liga, që nga barazimi 2-2 ndaj Espanyol në shkurt.
Humbja e fundit e Barcelonës daton në janar, ndaj skuadrës së Bilbaos në Kupën e Spanjës.
Blaugranasit po tentojnë një mrekulli për t’u afruar me Real Madridin, teksa ndodhet në çerekfinale të Ligës së Evropës, me ndeshjen e parë e cila është mbyllur 1-1 në Gjermani.
