image Automjeti godet zyrtarin policor dhe dy këmbësorë në Mitrovicë

Siguri

Automjeti godet zyrtarin policor dhe dy këmbësorë në Mitrovicë

news image

Një zyrtar policor dhe dy këmbësorë janë lënduar si pasojë e goditjes nga një automjeti i udhëtarëve, mbrëmë rreth orës 21:13, në fshatin Bajskë të Mitrovicës, raporton Gazeta Sinjali.

Deri tek aksidenti dyshohet të ketë ardhur pasi që shoferi i automjetit nuk ka përshtatur shpejtësinë me kushtet e rrugës dhe kur është urdhëruar që të ndalet nga zyrtari policor, duke e goditur atë dhe dy këmbësorë.

“Derisa njësia policore kishte ndaluar një automjet dhe ishte duke kryer kontrollin, nga mbrapa kishte shkuar i dyshuari mashkull kosovar, me automjetin tij duke zhvilluar shpejtësi të madhe, duke mos përshtatur shpejtësinë me kushtet e rrugës dhe në momentin kur zyrtari policor e sinjalizon që të ndalet, i dyshuari nuk arrin që të ndalet me veturën e tij dhe godet zyrtarin policor, si dhe dy persona tjerë të cilët kanë qenë jashtë veturës”, thuhet në raporton 24-orësh të policisë.

Të lënduarit, pas marrjes së ndihmës mjekësore në Emergjencën e Spitalit të Vushtrrisë, janë dërguar për trajtim të mëtutjeshëm mjekësor në QKUK./Gazeta Sinjali/