Klubi i Real Madrid i femrave “Real Madrid Femenino” është akuzuar për nxitjen e një “ambienti të rrezikshëm” për lojtarët nga sulmuesja në largim Kosovare Asllani, e cila pretendon se klubi i shtyn anëtarët e skuadrës së tyre të luajnë me lëndime.
Reprezentuesja suedeze mbërriti për herë të parë në Spanjë në vitin 2019 dhe ishte lojtari i tyre i sezonit gjatë sezonit 2020-21.
Por duke reflektuar për kohën e saj atje ndërsa përgatitet të largohet si një agjente e lirë, ajo tani ka kritikuar qëndrimin e Madridit ndaj lojtarëve të tyre, duke sugjeruar se ata janë detyruar përtej kufijve të tyre të arsyeshëm.
“Mendoj se në klub ka një kulturë e cila është e pashëndetshme për lojtarët”, tha Asllani në një konferencë për media. “Pothuajse jam detyruar të luaj e dëmtuar.
Ekipi drejtues nuk e ka dëgjuar ekipin mjekësor. Është bërë një mjedis shumë i pashëndetshëm dhe i rrezikshëm. Unë kam bërë shumë për klubin që në fillim dhe kam parë që klubi nuk i ka trajtuar mirë lojtarët ndër vite.
Unë mendoj se është e rëndësishme për mua të flas, pasi askush tjetër nuk e ka bërë. Jam përpjekur të bëj ndryshime, por në fund, mjedisi i krijuar atje është ai i refuzimit për të dëgjuar ekipin mjekësor dhe lojtarët.”
Raportet e mëparshme kishin sugjeruar se gjithçka nuk ishte mirë në klub, me trajnerin e mëparshëm David Aznar të kritikuar për stilin e tij të stërvitjes përpara se të zëvendësohej nga Alberto Toril nëntorin e kaluar.
Asllani megjithatë mendoi se nuk kishte një ndryshim të mjaftueshëm për ta shtyrë për të mbetur, duke shtuar: “Nuk është rastësi që aty u lëndova dhe pata një ngecje, pasi ju shtyni vazhdimisht të luani e dëmtuar. Nuk është një mjedis i shëndetshëm.
Unë kujdesem shumë për klubin, por ndjej se është në duart e gabuara. Mund të isha larguar verën e kaluar, por i dhashë një shans të fundit. Unë kam qenë një pjesë e madhe e historisë së klubit, por fatkeqësisht është një mjedis që nuk është i shëndetshëm dhe nuk jam vetëm unë.
“Ka një numër të jashtëzakonshëm lojtarësh që u është dashur të kalojnë shumë, gjë që nuk është e drejtë në një klub të lartë. Mendoj se është një mjedis i krijuar vetëm duke kërkuar rezultate dhe duke i parë lojtarët si produkte“, ka përfunduar ajo.
