Ministria e Infrastrukturës dhe Ambientit ka njoftuar se po kryhen punime në rrugën Prishtinë-Mitrovicë. Po ashtu MIA ka bërë të ditur se për dy ditët e ardhshme kjo rrugë do të jetë e mbyllur për qarkullim.

“Ministria e Infrastrukturës dhe Ambientit, njofton se për shkak të zhvillimi të punimeve, nga nesër më 7 maj 2020 ( E enjte) deri më 9 maj 2020 ( e shtunë), do të bëhet asfaltimi i segmentit rrugor “Nedakovc-Smrekovnicë-Vushtrri” Lot 3, në rrugës Nacionale N2, Prishtinë – Mitrovicë”, njofton ministria.

MIA-ja ka kërkuar nga të gjithë pjesëmarrësit në komunikacion, që të shfrytëzojnë rrugët tjera të mundshme./GazetaSinjali/