Mikel Arteta ka konfirmuar blerjen e re të Oleksandr Zinchenkos dhe mezi pret të punojë me ukrainasin.
Zinchenko, 25 vjeç, ishte në tribunë për fitoren 3-1 të Arsenalit ndaj Orlando City të mërkurën mbrëma, ndërsa ai mbylli një lëvizje prej 32 milionë funtesh nga Manchester City.
Arteta stërviti Zinchenkon, ndërsa ishte asistent i Pep Guardiolës dhe pas ndeshjes ai mori lëvdata për ukrainasin.
“Ai është një futbollist i jashtëzakonshëm dhe është dikush që do të sjellë një avantazh konkurrues në atë dhomë zhveshjeje”, tha Arteta.
“Ka ende disa formalitete për të bërë gjithçka konkrete, por jam shumë i lumtur që e kam, e njoh shumë mirë lojtarin”.
Arteta dëshiron të përdorë Zinchenkon në mbrojtje të majtë – si mbulesë për Kieran Tierney – dhe në mesfushë.
“Ai mund të luajë të dyja”, tha Arteta. “Ai ishte një numër 10 natyral në fillim të karrierës së tij, dhe ne e shndërruam atë në një mbrojtës të majtë, i cili mund të bëjë shumë gjëra që duam në mënyrën tonë të lojës.
Kjo shkathtësi është diçka që do të jetë e rëndësishme për ekipin, sepse ne kemi lojtarë të tjerë në atë pozicion që janë mbrojtës të krahut më specifik, kështu që unë jam shumë i lumtur“, ka deklaruar Arteta.
