Arsenali është e interesuar në shërbimet e kosovarit që luan në Lille, Edon Zhegrova, në një marrëveshje që mund të kushtojë rreth 11 milionë funte këtë verë.
Lajmin e ka dhënë e përditshmja angleze “The Sunday Mirror”, të cilët pretendojnë se Arsenali po kërkon të bëjë këtë lëvizje.
Thuhet se Zhegrova është gjithashtu në shënjestër të AC Milan, por Arsenali është më i prirur të sigurojë nënshkrimin e tij, transmeton Sinjali Sport.
Meqenëse Lille ka nevojë të shesë lojtarë këtë verë, besohet se Zhegrova mund të nënshkruhet për rreth 11 milionë £ plus shtesa.
Ky është një çmim tërheqës për Arsenalin, pasi ata mund ta shohin Zhegrovën si një opsion të volitshëm pas anësorëve të tyre yje.
Zhegrova ka shënuar gjashtë gola dhe shtatë asistime në 23 ndeshje këtë sezon, që është një rekord mbresëlënës.
