Arsenali ka fituar derbin londinez ndaj Chelseas, shkruan Sinjali Sport.
“Gunners” kanë mposhtur Chelsean me rezultat 4-2 si mysafir.
Pjesa e parë u mbyll me katër gola të realizuara, nga dy për secilën skuadër, teksa në të dytë skuadra mysafire realizoi dy të tjerë për të fituar derbin londinez.
Eddie Nketiah hapi llogarinë e golave në minutën e 13-të, teksa mysafirët barazuan në minutën e 17-të me anë të Timo Werner.
Vendasit sërish kaluan në epërsi me anë të Smith Rowe në minutën e 27-të, teksa rezultati përsëri u barazua nga Chelsea përmes Azpilicuetas në minutën e 32-të.
Në pjesën e dytë, Eddie Nketiah goditi sërish për rezultatin 3-2 në minutën e 57-të, teksa goli i ‘nokautit’ i ‘Gunners’ erdhi pas një penalltie të realizuar nga Bukayo Saka në kohën shtesë për rezultatin përfundimtar 4-2.
Arsenali rikthehet kështu te fitorja pas tri disfatave radhazi, për të arritur në 57 pikë momentalisht, e pozicionuar në pozitën e pestë, aq sa ka edhe Tottenham në pozitën e katërt me një ndeshje më shumë të zhvilluar.
