Policia e Kosovës ka arritur të arrestojë një shtetas të huaj në Aeroportin Ndërkombëtar të Prishtinës “Adem Jashari”.
Sipas Policisë së Kosovës, i dyshuari ka tentuar të udhëtojë në Berlin me pasaportë që dyshohet të jetë e falsifikuar.
Pas arrestimit, me vendim të prokurorit, i dyshuari është dërguar në mbajtje.
“Në ora 13:45, në Aeroportin Ndërkombëtar ‘Adem Jashari’, një shtetas i huaj ka tentuar të udhëtojë për në Berlin me një pasaportë që dyshohet të jetë e falsifikuar. Policia ka inicuar rastin ‘Falsifikimi i dokumentit’. Për rastin është njoftuar prokurori dhe me aktvendim të tij, i dyshuari dërgohet në mbajtje”, thuhet në përgjigjen e Policisë.
