image Arrestohet edhe një person për sulmin ndaj punëtorit të mobil shopit në Mitrovicë, dërgohet në paraburgim bashkë me të dyshuarit e tjerë

Siguri

Arrestohet edhe një person për sulmin ndaj punëtorit të mobil shopit në Mitrovicë, dërgohet në paraburgim bashkë me të dyshuarit e tjerë

news image

Të enjten, Gazeta Sinjali ka raportuar për një rast që ka ndodhur më 4 prill në një mobil shop në Mitrovicë. Aty, tre persona nën kërcënimin e armës kanë sulmuar fizikisht punëtorin e mobil shopit, duke i shkaktuar lëndime trupore.

Dy prej të dyshuarve janë arrestuar të enjten, ndërsa dje është arrestuar edhe personi i tretë. Bëhet fjalë për Bleon Hysenin, ndërkaq dy të arrestuarit tjerë janë Eugen Thaçi dhe Arbër Thaqi.

Burimet e Sinjali njoftojnë se dje tre të dyshuarit kanë dalë para Gjykatës dhe ndaj tyre është caktuar masën e paraburgimit prej 30 ditësh.

Lidhur me rastin, në cilësi të provës materiale nga të dyshuarit është sekuestruar një armë e gjatë pushkë automatike.

Shënim: Personat e apostrofuar në këtë artikull prezumohen të pafajshëm derisa fajësia e tyre të mos provohet me vendim të formës së prerë nga gjykata.

/GazetaSinjali/