Krimet Ekonomike të Policisë së Kosovës gjatë një operacioni kanë arrestuar dy persona të dyshuar dhe kanë sekuestruar para me ngjyrë që dyshohet se janë të grabitura

Policia e Kosovës ka arrestuar dy persona me inicialet Q.A (1953) dhe SH.B. (1964), në Suharekë nën dyshimin për falsifikim dhe shpërndarje të parave.

Forcat e rendit gjatë kontrollimit tek i dyshuari Q.A. (1953), ka gjetur dhe sekuestruar kartëmonedha (196 X 50), në vlerë të përgjithshme prej 9.800 euro, që dyshohet se janë të ngjyrosura dhe supozohet se janë para të grabitura.

Si vazhdimësi e operacionit policor janë kryer edhe bastisje në lokacionet e të dyshuarve në Prizren dhe Sallagrazhd, përderisa me urdhër të prokurorit kompetent ndaj dy të arrestuarve është caktuar masa e ndalimit policor për 48 orë.

Rasti është hetuar nga Njësia për Hetimin e Krimeve Ekonomike dhe Korrupsionit në Gjilan./ Gazeta Sinjali/