Gazeta Sinjali në vazhdimësi ka raportuar për arrestimin e personave të dënuar nga Gjykatat në vend për vepra të ndryshme penale, por që të cilët arrijnë të ikin nga duart e drejtësisë. Në listën e personave që janë kapur ditët e fundit nga Policia dhe po kërkoheshin nga Gjykatat janë edhe tre persona, një në Fushë Kosovë, Skenderaj e tjetri në Ferizaj.
Burimet e Sinjalit bëjnë me dije se në Fushë Kosovë u kap një 24-vjeçar, i cili po kërkohej në bazë të urdhëresës së Gjykatës Themelore në Prishtinë, për veprën penale “Posedim i paautorizuar i narkotikëve, substancave psikotrope ose aloge”. I dyshuari është ndaluar në orët e mëngjesit dhe pas arrestimit është dërguar në vuajtje të dënimit.
Ndërkohë, personi tjetër që po qëndronte në arrati dhe u kap në Ferizaj është një 49-vjeçar, i dënuar për veprën penale të vjedhjes. Sinjali mëson se bëhet fjalë për B.K., i cili ishte shpallur fajtor dhe u dënua me 1 vit burgim.
Kurse personi tjetër është kapur në Skenderaj, pasi rezultoi person i kërkuar nga Gjykata Themelore në Prishtinë. Pas arrestimit, 26-vjeçari A.Sh., është dërguar në vuajtje të dënimit.