Kur partneri juaj nuk fle në anën e tij/saj të shtratit, mbase keni disa nga rrobat e partnerit tuaj mbi veten tuaj?

Shumica e njerëzve nuk e dinë pse e bëjnë këtë, disa thonë se e bëjnë atë pa vetëdije, ndërsa disa thonë se u pëlqen aroma e mbetur e partnerit të tyre në shtrat ose në dhomën e veshjes.

Kjo sjellje ka bërë që shkencëtarët të ekzaminojnë fenomenin dhe të përpiqen t’i përgjigjen pyetjes se si aroma e partnerit ndikon psikologjikisht në trup, veçanërisht në stres.

Gjetjet kanë treguar që aroma e partnerit, edhe pa praninë fizike, mund të jetë një armë e fuqishme në uljen e stresit.

Studimi rekrutoi 96 çifte heteroseksuale për të provuar efektivitetin e aromave në uljen e stresit.

Rezultatet treguan se gratë që njohën aromën e partnerit të tyre gjatë dhe pas testit ishin shumë më të qeta dhe me nivele shumë më të ulëta të kortizolit sesa gratë që bënë zgjedhjen e gabuar.

Sipas studiuesit, një shpjegim për një tregues të tillë mund të jepet nga evolucioni, pasi që nga kohërat e lashta, gratë kishin frikë nga afërsia e burrave të panjohur, kështu që është e mundur që kjo shmangie të ketë mbetur deri në ditët e sotme dhe se është nxitja e kortizolit të ngritur.

Sidoqoftë, në shumë raste, aroma e një të dashuri është e këndshme dhe ndihmon në uljen e stresit. Kush nuk ka provuar diçka të tillë duhet ta dijë se nuk kushton asgjë dhe kjo vetëm sa mundet të ndihmojë./Gazeta Sinjali/