Pas deklaratës së fundit të Andit se Ana është njeriu “më fallco dhe dinak” në ”Për’puthen”, ka reaguar Ana, shkruan Gazeta Sinjali.

Ish-konkurentët e “Për’puthen” vazhdojnë të mbeten emra shumë të komentuar në mediet rozë.

Dy prej tyre janë Ana Kauri dhe Andi Artani, të cilët nuk është se kishin raporte aq të mira në program.

Ana gjatë gjithë kohës nuk ka besuar tek ndjenjat e Andit ndaj Jasminës dhe këtë gjë e kishte thënë shumë herë në “Për’puthen”.

Së fundi, Andi gjatë një interviste në “NIN” tha se Ana Kauri ishte njeriu më fallco dhe dinak në “Për’puthen”.

Pas kësaj deklarate, nuk mungoi reagimi i Anës, e cila thotë se njerëzit nxjerrin vrer nga goja kur ua përplas të vërtetën në fytyrë.

“Njerëzve kur ja përplas të vërtetën në fytyrë nuk u vjen mirë e fillojnë e nxjerrin vrer nga goja. Turp”, shkruan ajo.

Ndryshe, Andi dhe Jasmina kanë shkëputur çdo kontakt së fundi dhe shkak për këtë pretendohet të jetë xhelozia e konkurrentes. /Gazeta Sinjali/