Nuk kanë qenë të pakta reagimet për atmosferën në Prishtinë të dielën kur kombëtarja angleze erdhi për t’u përballur me Kosovën, njëri nga ta është edhe ambasadori i Shteteve të Bashkuara të Amerikës në Britani të Madhe Woody Johnson.

Ai ka komentuar pritjen që kosovarët u bënë anglezëve gjatë fundjavës në Prishtinë për ndeshjen Kosovë-Angli që u zhvillua në kuadër të kualifikimeve për Euro 2020.

“I mbërthyer me disa momente të jashtëzakonshme nga ndeshja Kosova-Angli këtë vikend. Mirënjohja e popullit të Kosovës për lirimin e vendit të tyre nga forcat e NATO-s mbetët e madhe, edhe pas 20 vjetësh. Një deklaratë e fuqishme në të mirën që mund ta bëjmë kur veprojmë së bashku”, ka shkruar Johnson në Twitter.

Kosova përmes një kampanjë i  mirëpriti tifozët dhe lojtarët e kombëtares angleze.

Në stadiumin “Fadil Vokrri” u duartrokitën vazhdimisht lojtarët, ndaj të cilëve në Bullgari e Mal të Zi ishin bërë thirrje raciste.

Trajneri i Anglisë, Gareth Southgate tha se është mahnitur nga pritja e kosovarëve dhe se nuk ka përjetuar asnjëherë një pritje të tillë.

Edhe futbollistët e Anglistë kanë falënderuar Kosovën për mënyrën se si i priti. /Gazeta Sinjali/