Kritikuesi më i madh i Kremlinit, Alexei Navalny sot gjatë një seance gjyqësore, i ka kërkuar gjyqtarit që ta lirojë.
Navalny është shprehur sërish kundër burgosjes së tij me rreth tri vjet duke ripërsëritur se ky vendim ishte i motivuar politikisht.
Kundërshtari më i madh i presidentit rus, Vladimir Putin, Navalny është burgosur në fillim të këtij muaji për shkeljen e dënimit me kusht ndërkohë që perëndimi e ka dënuar rastin duke e diskutuar mundësinë e sanksionimit të Rusisë.
Sot gjatë paraqitjes në gjykatë, Navalny tha se kishte dëgjuar për një vendim të Gjykatës Evropiane për të Drejtat e Njeriut që i kishte kërkuar Rusisë ta lironte atë mirëpo kërkesa kishte marrë përgjigje negative duke u cilësuar si e paligjshme.
“Do të ishte më mirë nëse më lironi”, tha Navalny sot.
Politikani opozitar u rikthye nga Gjermania në Rusi muajin e kaluar pasi po rikuperohej nga një helmim me agjent toksik. Arrestimi i tij me t’u kthyer në Rusi kishte shkaktuar protesta të shumta te mbështetësitë e tij atje.
