image Aksionet e Teslas bien pas përjashtimit nga indeksi S&P 500 - Sinjali

COVID-19

Të infektuar

15142

Të shëruar

12674

Të vdekur

615

Aksionet e Teslas bien pas përjashtimit nga indeksi S&P 500

news image

Aksionet e Teslas ranë deri nën 13% në tregtinë e ditës së martë, pas përjashtimit të kompanisë nga indeksi S&P 500.

Kompania për prodhimin e veturave elektrike të Elon Muskut, më 30 qershor, për të katërtën herë radhazi, shënoi profit duke përmbushur kriteret për t’u pranuar në këtë indeks, transmeton Gazeta Sinjali.

Shumë investitorë prisnin që kompania të futej në këtë indeks, veçanërisht pasi pothuajse 400 miliardë dollarë që ka ajo si kapital, ia kalon shumicës së bizneseve të listuara në S&P 500.

Një javë më parë, Tesla njoftoi se do të shesë aksione me vlerë 5 miliardë dollarë me çmime të tregut, por nuk u bë i ditur numri i saktë i aksioneve të shitura e as çmimi mesatar i secilës shitje.

Në muajin shkurt, kompania fitoi 2.3 miliardë dollarë përmes shitjes së 3 miliardë aksioneve. Shitja e aksioneve ishte me një çmim mesatar prej 151.60 dollarë për një aksion. /Gazeta Sinjali/


Shpërndaje artikullin

Etiketat kryesore: