Një aksion kërkimi është duke u zhvilluar në rrethinën e Novobërdës për gjetjen e një personi të raportuar si të zhdukur, i cili i përket komunitetit serb.
Sipas Shoqatës së Kosovës për Kërkim dhe Shpëtim, operacioni ka nisur sot rreth mesditës me kërkesë të Qendrës së Situatave. Ekipet e kërkimit janë angazhuar menjëherë në terren dhe po vazhdojnë kontrollet në koordinim me institucionet përkatëse.
Shoqata ka bërë të ditur se aksioni po zhvillohet pa ndërprerje dhe ekipet janë duke kontrolluar zonat përreth Novobërdës në përpjekje për lokalizimin e personit të zhdukur.
Sinjali – aty ku e vërteta flet para lajmit!
