Një aksident i rëndë trafiku ka ndodhur sot në fshatin Radavc të Pejës, ku janë përfshirë dy vetura.
Sipas informacioneve të para, përplasja ka qenë e fortë dhe ka shkaktuar dëme materiale të konsiderueshme në të dy automjetet, ndërsa nuk dihet ende nëse ka persona të lënduar rëndë.
Në vendngjarje kanë dalë menjëherë njësitet policore dhe ekipet emergjente, të cilat kanë bërë sigurimin e zonës dhe kanë nisur hetimet për të sqaruar rrethanat e aksidentit.
Shkaqet e aksidentit mbeten ende të paqarta, ndërsa policia po interviston dëshmitarët dhe po mbledh prova nga terreni.
Rruga për një kohë ka qenë e bllokuar pjesërisht, duke shkaktuar kolona automjetesh në këtë segment.
Hetimet për rastin janë duke vazhduar.
Sinjali – aty ku e vërteta flet para lajmit!
