Një aksident i rëndë trafiku ka ndodhur mbrëmë rreth orës 11:00 në rrugën Graçanicë – Llapnasellë, ku ka mbetur i lënduar një i ri.
Në aksident janë përfshirë dy vetura, ku drejtuesi i veturës Mercedes ka humbur kontrollin për shkak të shpejtësisë është përplasur me një veturë të tipit Ford.
Nga përplasja, Mercedesi ka dalë nga rruga, ndërsa Fordi është dëmtuar rëndë.
Raportohet se vetura drejtohej nga dy të rinj të nacionalitetit serb, ndërsa njëri u plagos dhe u transportua për trajtim në spital.
Policia e Kosovës ka kryer një hetim, ndërsa komunikacioni në atë pjesë ka qenë i mbyllur për një kohë.
