image A do të shkarkohet Martin Berishaj - flet ministrja Gërvalla

Politikë

A do të shkarkohet Martin Berishaj – flet ministrja Gërvalla

news image

Martin Berishaj ambasador në Slloveni dyshohet se është përfshirë në një skandal financiar në këtë shtet.

Mediat në Slloveni kanë raportuar për një skandal të madh shpëlarjesh të parave, e në të cilin skandal dyshohet të jetë i përfshirë edhe ambasadori i Kosovës në Kroaci, Martin Berishaj.

Megjithatë, krerët e shtetit të Kosovës deri tani kanë treguar se as që janë duke e konsideruar shkarkimin e ambasadorit, me arsyetimin se po presin fakte dhe që të flasë drejtësia.

Kështu ka thënë edhe shefja e diplomacisë kosovare, Donika Gërvalla-Schëarz gjatë nga Neë York-u. Ajo ka thënë se do të bisedojë brenda një kohe shumë të shkurtër personalisht me ambasadorin në fjalë, derisa ka shtuar se deri tani s’ka asnjë indikacion se raportimi i mediumit slloven është i saktë.

“Në fakt bëhet fjalë për një raportim të një mediumi slloven në fushatën elektorale që po zhvillohet në Slloveni. I kam lexuar me kujdes të gjitha raportimet. Brenda një kohe të shkurtër, do të bisedoj personalisht me ambasadorin Berishaj, i cili shumë qartë ka treguar edhe publikisht që nuk ka asgjë të vërtetë në ato raportime mediale, dhe që do të ndërmerr hapa ligjor me këto akuza që po përballet përmes atij mediumi”, ka thënë Gërvalla në Dukagjin.

“Nuk kam asnjë arsye të besoj që këto pretendime mund të dalin si të sakta, përderisa ambasadori thotë që ato nuk janë të sakta. Është çështje e organeve të drejtësisë që iu është drejtuar z.Berishaj që të bëjnë një konstatim të tillë, dhe jo e jona, apo e interpretimeve të ndryshme. Ne do të ndjekim me shumë kujdes të gjitha zhvillimet, dhe do të ndërmarrim hapat atëherë kur ato do të jenë të nevojshme, nëse do të jenë të nevojshme, gjë për të cilën deri në këtë moment nuk kemi asnjë indikacion”, ka shtuar tutje Gërvalla.

“Deri në këtë moment s’ka asnjë arsye për të besuar që ato raportime përmbajnë të vërtetën”, ka përfunduar Gërvalla.

/GazetaSinjali/