Për shkak të infektimit me koronavirus, gjatë kësaj jave në Kosovë kanë vdekur 92 persona, shkruan Gazeta Sinjali.

Sipas raporteve ditore të publikuara nga Instituti Kombëtar i Shëndetësisë Publike të Kosovës, në mesin e viktimave është edhe një 38-vjeçar nga Gjakova, i cili vdiq të hënën. Në këtë komunë gjatë kësaj jave vdiqën 12 të infektuar.

Që nga fillimi i pandemisë, në Kosovë kanë vdekur 1 mijë e 198 të infektuar.

Ndërkaq, nga 46 mijë e 580 raste pozitive sa u konfirmuan deri më sot, 33 mijë e 600 prej të tyre janë shëruar.

Kështu, numri i rasteve aktive momentalisht është 11 mijë e 782./Gazeta Sinjali/