Një burrë është paraqitur dje në stacionin policor në Gjakovë për të denoncuar një person që pretendon se e ka shantazhuar përmes rrjetit social “Facebook”, shkruan Gazeta Sinjali.

Burime të Gazetës Sinjali brenda policisë së rajonit të Gjakovës kanë bërë të ditur se ai u ka thënë hetuesve policorë se ka pranuar mesazh nga i dyshuari i cili ia ka kërkuar 75 mijë euro, për të mos ia publikuar disa fotografi.

Ato fotografi, sipas tij, i përkasin atij dhe familjes së tij.

Sinjali mëson se prokuroria ka nisur hetimet lidhur me këtë rast, i cili është iniciuar si “shantazh”./Gazeta Sinjali/