Dje u raportua se ukrainasit kanë përmbytur qëllimisht fshatin Demydiv për t’i ndaluar tanket ruse të arrijnë në kryeqytetin ukrainas, Kiev.
Vetëm një ditë pas fillimit të agresionit rus, trupat ukrainase hapën një digë aty pranë për të përmbytur Demydivin në veri të Kievit dhe fshatrat përreth.
“The New York Times” po ashtu ka publikuar edhe imazhet satelitore që tregojnë përmbytje në pellgun e lumit Irpin, në veriperëndim të Kievit.
Siç supozohet më tej, ideja ishte të parandalohej një sulm me tanke në Kiev dhe t’u jepej trupave ukrainase atje më shumë kohë për të përgatitur mbrojtjen e tyre të qytetit.
Përmbytja krijoi një “liqen” përballë autokolonave ruse që po afroheshin dhe thuhet se i pengoi trupat të përparonin.
Përmbytjet gjithashtu penguan që Demydivi të bëhej një vijë e parë në luftë, thuhet në raport, pasi fshati arriti të shmangte skenat e tmerrshme të vrasjeve masive të civilëve si ato në Bucha, në periferi të Kievit.
“Të gjithë e kuptojnë dhe askush nuk është penduar për momentin”, tha banorja vendase, Antonina Kostuchenko.
Ajo tha “ne shpëtuam Kievin!”
To block Russia's advance, Ukrainians intentionally flooded Demydiv, a village north of Kyiv, along with a vast expanse of fields and bogs around it, creating a quagmire. "Everybody understands and nobody regrets it for a moment," one resident said. https://t.co/zTMQp0lclJ pic.twitter.com/UaK7psW1aP
— The New York Times (@nytimes) April 27, 2022
