Kur përballeni me një detyrë të rëndësishme, sa shpesh i thoni vetes, “Kam kohë për ta përfunduar më vonë”?, ose “Do ta bëj herët në mëngjes kur jam i/e freskët”?.

Këto janë shenjat e një “zvarritësi” të punëve. Ne të gjithë e bëjmë ndonjëherë, mbase edhe tani që lexoni këtë artikull po e zvarrisni leximin.

Zvarritësit vdesin të shpërqendrohen. Dhe nëse ka ndonjë gjë në të cilën ne jemi të rrethuar në epokën tonë të informacionit, është shpërqendrimi.

Pra, si mund të sillemi si “shef” me veten tonë” për të arritur objektivin?, transmeton Ekonomiaonline.

1. “Mjeshtërimi” i vetes

Dyzimi detyron “veten” më të mirë t’i thotë “vetes” më të pabindur dhe më pak bashkëpunuese, “Unë jam shefi këtu dhe do ta zgjidhim këtë problem tani.”

2. Kontrolli i mendjes

Nëse e dini që keni një afat të përcaktuar dhe po bëni çdo gjë për të shpërqendruar veten tuaj, përdorni mendjen për të kontrolluar veten. Momentin që dilni nga “shinat”, thuani diçka “vetes” që ju sjell sërish brenda “shinave”. Mund ta thoni me zë të lartë “MJAFT” me shpresën se kolegët tuaj nuk do të mendojnë për ju se jeni të çmendur.

3. Bëni punën më të vështirë në fillim

Në mëngjes ne jemi plot me energji dhe në këtë mënyrë ju mund ta detyroni veten që të bëjë detyrat më të vështira në fillim. Më pas, ndërsa dita ecën, energjitë shterojnë. Mos harroni të jeni shefi i mirë që arrin të përfundojë punët e “vetes” .

4. Mjete dhe marifete

Thyeni zakonet tuaja. Bëjini gjërat në rendin e kundërt. Gjeni mjetin tuaj të preferuar të ‘zvarritjes’ (zakonisht është smartfoni) dhe kyçeni në një sirtar për ta bërë më të vështirë për ta kontrolluar, mundësisht kyçeni në sirtarin e dikujt tjetër, pavarësisht se do t’i jepni nje shpjegim pse e bëni këtë. Fikini zilet dhe alertet e mundshme në mënyrë që të kujtoheni për telefonin tuaj vetëm kur të keni mbaruar punët.

5. Thjesht bëjini punët

Nuk duhet domosdoshmërisht të ndihemi mirë se kemi për të bërë një detyrë, patjetër se motivimi na bën të ndihemi më mirë për gjërat që duhet të bëjmë, por nuk lipset për ta përfunduar punën. Kështu që nëse e kuptoni se po i zvarrisni gjërat, thuaji vetes “Do ta bëj tani këtë.” Të mos duash ta bësh në këtë moment një punë të caktuar nuk është një justifikim i mirë.

Kur zvarrisni punët dhe problemet në jetën e përditshme, mos harroni t’i thoni vetes se ju jeni shefi/ja i/e vetes suaj. /Gazeta Sinjali/