Sekretari i Shëndetësisë i Britanisë së Madhe, Matt Hancock, ka zbuluar sot një plan për të kryer 100.000 teste koronavirus në ditë deri në fund të muajit.

Ai shpalosi detaje të planit për të zgjeruar numrin e testeve për punonjësit e NHS pasi deri më tash vetëm një numër i vogël i tyre është kontrolluar për koronavirus.

Objektivi 100.000 në ditë përfshin të dy testet e antigjenit – të cilat tregojnë nëse aktualisht keni Covid-19 – dhe teste antitrupash – të cilat tregojnë nëse e keni pasur atë në të kaluarën.