Mbrojtësi i Napolit, Amir Rrahmani ka treguar se ka refuzuar oferta nga Skocia dhe Belgjika para se të kalonte nga Hellas Verona tek Napoli në janar, shkruan Sinjali Sportiv.
Mbrojtësi, i cili është kthyer në formë huazimi tek Hellas Verona prej Napolit për edicionin 2020/21, ka thënë se do ta presë shansin e tij tek Napoli dhe t’ia besojnë rolin e mbrojtësit në formacionin bazë atij.
“Napoli ka investuar shumë tek unë. Kisha oferta nga Celtic dhe Standard Liege, por në fund zgjodha të bashkohem me Napolin. Ky është momenti më i madh në karrierën time”.
“Ata kishin një strategji që ta shesin Koulibalyn por pandemia Covid-19 ndryshoi situatën. Më kanë thënë që jam pjesë e planeve të mëdha tek Napoli, dhe se koha ime do të vijë shumë shpejt,” shtoi Rrahmani.
