Dënimi me dy ndeshje për Lionel Messin do të apelohet nga Barcelona, ka konfirmuar klubi katalanas.
Messi u përjashtua nga loja në minutën e 121 të humbjes të së dielës në Superkupën e Spanjës ndaj Athletic Bilbaos pasi pati një përplasje me Asier Villalibre.
Barça humbi ndeshjen 3-2 në Sevilje dhe një vendim nga komiteti i garës i Federatës Mbretërore Spanjolle të Futbollit (RFEF) të martën vlerësoi sjelljen e Messit mjaft serioze për ta dënuar me një pezullim me dy ndeshje.
Por Barça me sa duket e konsideroi dënimin shumë të ashpër dhe njoftoi planin e saj për të apeluar këtë vendim fillestar të RFEF.
“Barcelona do të apelojë pezullimin e lëshuar për Leo Messin. Komiteti i garës njoftoi të Martën se kartoni i kuq i Argjentinasit në minutat e fundit të finales së Superkupës së Spanjës kundër Athletic Club do të pësojë një ndalim me dy ndeshje“, thuhet në njoftimin e lëshuar nga ana e klubit.
