image Zyrtari policor përdor telefonin gjatë ngasjes së veturës zyrtare (VIDEO)

Sinjalizime

Zyrtari policor përdor telefonin gjatë ngasjes së veturës zyrtare (VIDEO)

news image

Zyrtarët policorë janë të thirrur për të monitoruar zbatimin e ligjit, i cili vlen për të gjithë njësoj, mirëpo ka raste kur edhe ata vetë janë shkelës të rregullave e ligjeve.

Një rast i tillë, që paraqet kundërvajtje është kapur nga kamera e një sinjalizuesi në Pejë sonte.

Ai ka dërguar në adresë të Sinjalit një video të veturës zyrtare të Policisë së Kosovës, në të cilën shihet zyrtari policor i cili përdor telefonin gjatë vozitjes.

Në videon e cila, sipas sinjalizuesit, është realizuar rreth orës 18:30, shihet vetura e policisë me targat 194-05.

Policia e Kosovës vazhdimisht ka apeluar qytetarët që të mos e përdorin telefonin gjatë ngasjes, pasi që konsiderohet njëri nga shkaktarët e aksidenteve rrugore dhe nuk do të ketë “mëshirë” për shkelësit e kësaj rregulle.

Vazhdoni të denonconi kundërvajtjet në Gazetën Sinjali, në mënyrë që të kontribuojmë sadopak që rregullat në trafik të respektohen./Gazeta Sinjali/