Ekipi i përgjigjes ndaj COVID-19 i Shtëpisë së Bardhë i dërgoi një mesazh të qartë kombit këtë javë mbi përhapjen e nënvariantit Omicron BA.5 dhe rëndësinë e dozave të dyta përforcuese të vaksinës, për të rriturit mbi moshën 50 vjeç.
“Nëse nuk keni marrë një vaksinë në vitin 2022, ju lutemi shkoni të merrni një vaksinë tjetër, kjo mund të të shpëtojë jetën”, tha të martën koordinatori i përgjigjes Dr. Ashish Jha.
Përforcuesit e dytë janë autorizuar për të rriturit e SHBA-ve 50 vjeç e lart, si dhe disa njerëz me sistem imunitar të dobësuar, që nga marsi . Por për këdo nën moshën 50 vjeç, autorizohet vetëm një përforcues, shkruan CNN.
Që nga fundi i qershorit, të rriturit nën moshën 50 vjeç kishin përqindjet më të larta të rasteve me COVID-19 krahasuar me grupmoshat e tjera, sipas të dhënave paraprake nga Qendrat e SHBA për Kontrollin dhe Parandalimin e Sëmundjeve.
