Katër zyrtarë të cituara nga mediat ndërkombëtare po raportojnë se dyshohet që talebanët po rrëmbejnë fëmijët e atyre që marrin pjesë në rezistencën e organizuar kundër tyre, në male dhe lugina në veri të Kabulit.

Khair Mohammad Khairkhëa, ish -shefi i inteligjencës në provincën Balkh, Abdul Ahmad Dadgar, një udhëheqës tjetër i kryengritjes dhe dy zyrtarë të tjerë anonimë thonë se luftëtarët sulmuan shtëpitë, duke i djegur ato, ndërsa i merrnin fëmijët.

Një rezistencë e organizuar po lufton nën flamurin e “Revoltës Popullore” në veri të kryeqytetit dhe është pikërisht kundër këtyre rezistencave që, sipas zyrtarëve, “hakmarrja” e talebanëve po fillon.

Një grup luftëtarësh anti-talebanë kanë marrë nën kontroll disa rrethe rurale për shkak të rezistencës në malet dhe luginat në veri të Kabulit ku luftimet shpërthyen në provincën Baghlan, rreth 120 kilometra në veri të Kabulit.

Forcat e organizuara nën flamurin e “Revoltës së Popullit” morën nën kontroll tre rrethe rreth Luginës Andarab, të vendosura në vargmalin Hindu Kush në afërsi të Al Panshir, provincë kjo e vetmja që nuk është ende nën kontrollin e talebanëve. /GazetaSinjali/