Klubi futbollistik nga Suhareka, Ballkani, i ka vazhduar kontratat me gjashtë prej lojtarëve më të mirë të ekipit të tyre.

Drejtuesit e klubit kanë rinovuar kontratat me: Visar Berisha, Blend Baftiu, Ramiz Bytyqi, Jetmir Topalli, Kushtrim Gashi dhe Edvin Kuc, transmeton Gazeta Sinjali.

Këtë e ka bërë të ditur vetë klubi përmes një postimi në rrjetin social Facebook.

“Duke marrë për bazë se këta futbollist e kanë dëshmuar se me punë, pasion dhe përkushtim kanë mbrojtur ngjyrat portokalli, klubi FC Ballkani me mirëkuptim dhe vullnet të dyanshëm ka vazhduar bashkëpunimin afatgjatë me të lartpërmendurit nën këto afate dhe korniza të listuara më poshtë: Visar Berisha 2022, Blend Baftiu 2021, Ramiz Bytyqi 2024, Jetmir Topalli 2021, Kushtrim Gashi 2022 dhe Edvin Kuc 2021″, bëhet e ditur ndër të tjera në njoftimin e klubit./Gazeta Sinjali/