Qeveria zvicerane ka njoftuar se do të mbyllë të gjitha dyqanet të hënën, përveç atyre me gjërat e domosdoshme, transmeton Gazeta Sinjali.

Po ashtu, qeveria ka njoftuar kompanitë se duhet që të caktojnë punonjësit që të punojnë nga shtëpia sa më shumë që është e mundur.

Përveç kësaj, qeveria do të zgjasë mbylljet aktuale të restoranteve, palestrave dhe ambienteve kulturore për pesë javë të tjera, deri në fund të shkurtit.

“Kjo është e dhimbshme dhe ndonjëherë provokon zemërim. Është në natyrën njerëzore, por ne duhet të qëndrojmë të qetë,” tha presidenti Guy Parmelin.

Pavarësisht nga kufizimet e reja dhe të zgjeruara, shumica e shkollave zvicerane dhe vendpushimet e skive mbetën të hapura.

Zyra Federale e Shëndetit Publik regjistroi sot 3,001 raste të reja të infeksionit me koronavirus.

Numri i të infektuarve për 100.000 njerëz gjatë 14 ditëve qëndron në 477.5 – shumë më shumë se 155 në Gjermaninë fqinje./Gazeta Sinjali/