image Zejnullahu-Raçi e shuan zyrën për infermieri në QKUK, ish-koordinatorja Lirije Beqiri këtë vendim e quan ‘degradim’

Shëndetësi

Zejnullahu-Raçi e shuan zyrën për infermieri në QKUK, ish-koordinatorja Lirije Beqiri këtë vendim e quan ‘degradim’

news image

Ud. drejtoresha e SHSKUK-së Pranvera Zejnullahu-Raçi e ka shuar zyrën për infermieri në QKUK. Ish-udhëheqësja e kësaj zyre Lirije Beqiri e ka quajtur këtë vendim ‘degradim’ për punën e saj 16-vjeçare në këtë zyrë. Për këtë vendim kanë reaguar edhe sindikalistët.

Qendra Klinike Universitare e Kosovës do të mbetet pa zyrë për infermieri. Kjo pas vendimit të ud.drejtoreshës së SHSKUK-së Pranvera Zejnullahu-Raçi, që t’i largojë nga kjo zyrë ish-koordinatoren Lirije Beqiri dhe zyrtaren Aferdita Berisha, shkruan Gazeta Shneta.

Beqiri ka treguar se këtë vendim e ka marr sot, por ajo nuk po pajtohet me të dhe e quan ‘degradim dhe denigrim’ të punës së saj 16-vjeçare në këtë zyrë.

“Me vendim të ud. drejtoreshës unë jam caktuar në shërbimin e logopedisë, por unë nuk jam logopede. Gjitha spitalet rajonale e kanë zyrën për infermieri, vetëm në QKUK është shuar kjo zyrë. Ne kemi shumë punë me palë, me infermierë të të gjitha njësive në QKUK dhe me studentë. Sot janë ndërprerë të gjitha punët me palë. Unë nuk jam pajtuar me këtë vendim, por nuk do ta pengojë. Megjithatë do ta shfrytëzojë të drejtën time për ankesë. Ky është një denigrim dhe degradim ndaj punës time mbi 16-vjeçare në këtë zyrë”, ka deklaruar Beqiri.

Ajo thotë se pas shfuqizimit të ogranogramit në vitin 2020, ishte caktuar në rolin e Përgjegjëses për laboratorin e mikrobiologjisë klinike dhe koordinatore e shërbimit të infermierisë gjatë kohës së pandemisë Covid-19.

“Edhe në atë kohë nuk jam pajtu me atë thirrje, sepse binte në kundershtim me licencën e punës, ishte kohë pandemie edhe nuk e refuzova për shkak situatës që gjindeshim, vazhdoi prap edhe një vit e njëjta kontratë, nuk kam qenë prap dakord me këtë kontratë por prapë ishte kohë pandemie dhe vazhdova,  dhe të gjitha punët dhe obligimet i kam kryer konform përshkrimit të vendit të punës!”.

“Pas shfuqizimit të organogramit, unë e kam pas një kontratë 1-vjeçare në cilësinë e koordinatores për pandeminë Covid-19 për infermieri, nga ish-drejtori. Kjo kontratë ka skaduar dhe tani ud. drejtoresha e re e ka shuar pozitën time dhe zyrën për infermieri me arsyetimin se nuk ekziston në organogram. Me shfuqizimin e atij organogrami unë konsideroj se do të duhej të qëndronte në fuqi organogrami i vjetër. Gjithashtu, pse duhet të shuhet vetëm pozita dhe zyra për infermieri, kurse pozitave të tjera ju janë nënshkruar kontratat”, ka deklaruar Beqiri.

Për vendimin e Zejnullahu-Raçit ka reaguar edhe sindikalisti Enlirat Duraku. Ai thotë se kjo është goditja përfundimtare ndaj infermierëve në QKUK.

“Shërbimi Spitalor Komik Universitar i Kosovës SHSKUK sot përfundimisht i dha goditjen përfundimtare infermierëve në QKUK duke e mbyllur edhe zyrën e vetme nga e cila menaxhohej infermieria në QKUK. QKUK si qendra më e madhe, me fluksin më të madhë të pacientëve dhe me numrin më të madh të infermierëve prej sot nuk ka një adresë se ku të drejtohen infermierët. Prej afër 20 pozitave të cilat do duhej ishin anuluar me shfuqizim të organogramit, vetëm pozicioni i Departmentit të Infermierisë është shuar dhe mbyllur sot, ndërsa të tjerat janë ende aktive, madje tek disa janë rinovuar kontratat rishtazi”, ka deklaruar Duraku. /Gazeta Shneta/

/GazetaSinjali/