Sot është mbajtur ceremonia e zbulimit të pllakës përkujtimore për 21 zyrtarët policorë të rënë në krye të detyrës, raporton Gazeta Sinjali.
Në këtë ceremoni, kanë marrë pjesë kryeministri i Kosovës, Albin Kurti, kryeparlamentari, Glauk Konjufca, si dhe familjarë të zyrtarëve policorë.
Njoftimi i Policisë së Kosovës:
“Sot, 27.07.2021 në Drejtorinë e Përgjithshme të Policisë së Kosovës do të mbahet ceremonia e zbulimit të pllakës përkujtimore për zyrtarët policorë të rënë në kryerje të detyrës “Heronjtë e Kosovës”. Në zbulimin e pllakës përkujtimore pritet të marrin pjesë personalitete të larta shtetërore dhe ndërkombëtare, përfshirë familjarë të zyrtarëve policorë të rënë në kryerje të detyrës”.
Ceremonia është mbajtur tek objekti i Drejtorisë së Përgjithshme të Policisë së Kosovës në Prishtinë.
