Ish-ushtruesi i detyrës në pozitën e ministrit të Punëve të Brendshme, Xhelal Sveçla, ka reaguar përmes një shkrimi në profilin e tij zyrtar në Facebook, duke thënë se ishte një periudhë e shkurtër e qeverisë.
“Koha të cilën e kaluam bashkë ishte e shkurtër. Megjithatë, rrethanat e krijuara që kërkonin domosdoshmërisht intensitet të shtuar në punën tonë, ndikuan që koha e kaluar në zyret e Ministrisë të jetë shumë më e gjatë se ajo e zakonshme”, ka shkruar Sveçla.
Ai ka theksuar se sot Qeveria e Kosovës regjistron statistikat më të mira në rajon për luftimin e pandemisë COVID-19.
“Falë angazhimit tuaj në luftimin e pandemisë Covid-19, sot mund të themi me plot zë që Republika e Kosovës ka statistikat pothuajse më pozitive në rajon”, është shprehur ai në Facebook./ Gazeta Sinjali/